SBI Platinum Jubilee Asha Scholarship 2026-27: SBI ಪ್ಲಾಟಿನಂ ಜುಬಿಲಿ ಆಶಾ ಸ್ಕಾಲರ್ಶಿಪ್ 2026-27 – ಪದವಿ ವಿದ್ಯಾರ್ಥಿಗಳಿಗೆ 75,000 ರೂ.; ಅರ್ಜಿ ಕೊನೆಯ ದಿನ ಸೆಪ್ಟೆಂಬರ್ 19
ಬೆಂಗಳೂರು, ಸೆಪ್ಟೆಂಬರ್ 18: ಆರ್ಥಿಕ ತೊಂದರೆಯಿಂದ ಓದು ನಿಲ್ಲಿಸಬೇಕಾದ ಪರಿಸ್ಥಿತಿ ಬರಬಾರದು ಎಂಬುದು ಎಸ್ಬಿಐ ಫೌಂಡೇಶನ್ನ ನಿಲುವು. ಪ್ಲಾಟಿನಂ ಜುಬಿಲಿ ಆಶಾ ವಿದ್ಯಾರ್ಥಿವೇತನ 2026-27ಕ್ಕೆ ಅರ್ಜಿ ಆಹ್ವಾನಿಸಲಾಗಿದೆ. ಪದವಿ (UG) ವರ್ಗದಲ್ಲಿ ಅರ್ಹರಿಗೆ ವರ್ಷಕ್ಕೆ 75,000 ರೂ. ಸಿಗಬಹುದು. ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಸೆಪ್ಟೆಂಬರ್ 19, 2026. ಹಿಂದಿನ ಗಡುವು ಸೆಪ್ಟೆಂಬರ್ 4 ಆಗಿತ್ತು. ಈಗ ವಿಸ್ತರಿಸಲಾಗಿದೆ.
ಹಣ ನೇರವಾಗಿ ಬ್ಯಾಂಕ್ ಖಾತೆಗೆ ಜಮಾ. ಅರ್ಜಿ ಶುಲ್ಕವಿಲ್ಲ. ಒಂದು ವರ್ಗಕ್ಕೆ ಮಾತ್ರ ಅರ್ಜಿ ಹಾಕಬಹುದು.
ಪದವಿ ವರ್ಗದಲ್ಲಿ ಯಾರು ಅರ್ಹರು?
ಭಾರತೀಯ ನಾಗರಿಕರಾಗಿರಬೇಕು. ಪ್ರಸ್ತುತ ಪದವಿ ಕೋರ್ಸ್ನಲ್ಲಿ ಓದುತ್ತಿರಬೇಕು. ಕಾಲೇಜು NIRF 2025-26 ಒಟ್ಟಾರೆ ಶ್ರೇಯಾಂಕದಲ್ಲಿ ಅಗ್ರ 300ರಲ್ಲಿ ಇರಬೇಕು ಅಥವಾ NAAC ‘A’ ಅಥವಾ ಅದಕ್ಕಿಂತ ಹೆಚ್ಚಿನ ಗ್ರೇಡ್ ಹೊಂದಿರಬೇಕು.
ಹಿಂದಿನ ಶೈಕ್ಷಣಿಕ ವರ್ಷದಲ್ಲಿ ಕನಿಷ್ಠ 75 ಶೇಕಡಾ ಅಥವಾ 7.5 CGPA ಬೇಕು. SC/ST ವಿದ್ಯಾರ್ಥಿಗಳಿಗೆ 65 ಶೇಕಡಾ, ದಿವ್ಯಾಂಗ (PwBD) ವಿದ್ಯಾರ್ಥಿಗಳಿಗೆ 60 ಶೇಕಡಾ ಸಾಕು.
ಕುಟುಂಬದ ಒಟ್ಟು ವಾರ್ಷಿಕ ಆದಾಯ ಎಲ್ಲಾ ಮೂಲಗಳಿಂದ 6,00,000 ರೂ. ಮೀರಬಾರದು. ಡಿಪ್ಲೊಮಾ ಕೋರ್ಸ್ ವಿದ್ಯಾರ್ಥಿಗಳು ಈ UG ವರ್ಗದಲ್ಲಿ ಅನರ್ಹ.
ಮಹಿಳಾ ವಿದ್ಯಾರ್ಥಿನಿಯರಿಗೆ ಒಟ್ಟು ಸೀಟುಗಳಲ್ಲಿ ಶೇ. 50 ಮೀಸಲು ಇದೆ. ಆಯ್ಕೆ ಅಂಕ, ಆದಾಯ ಮತ್ತು ದಾಖಲೆ ಪರಿಶೀಲನೆಯ ಆಧಾರದಲ್ಲಿ. ನಂತರ ದೂರವಾಣಿ ಸಂದರ್ಶನ ಇರಬಹುದು.
ಇತರ ವರ್ಗಗಳ ಮೊತ್ತ (ತಿಳಿದಿರಲಿ).?
- 9ರಿಂದ 12ನೇ ತರಗತಿ: 15,000 ರೂ. (ಆದಾಯ ಮಿತಿ 3 ಲಕ್ಷ)
- ಸ್ನಾತಕೋತ್ತರ: 1,50,000 ರೂ.ವರೆಗೆ
- IIT ಪದವಿ: 2,00,000 ರೂ.ವರೆಗೆ
- MBBS: 2,00,000 ರೂ.ವರೆಗೆ
- IIM: 5,00,000 ರೂ.ವರೆಗೆ
ನೀವು ಪದವಿ ವಿದ್ಯಾರ್ಥಿಯಾದರೆ UG ಟ್ರ್ಯಾಕ್ ಆಯ್ಕೆ ಮಾಡಿ.
ಬೇಕಾಗುವ ದಾಖಲೆಗಳು.?
- ಆಧಾರ್ ಕಾರ್ಡ್
- 10ನೇ ಮತ್ತು 12ನೇ ತರಗತಿ ಅಂಕಪಟ್ಟಿ
- ಹಿಂದಿನ ಸೆಮಿಸ್ಟರ್ / ವರ್ಷದ ಅಂಕಪಟ್ಟಿ
- ಪ್ರವೇಶ ಪತ್ರ ಅಥವಾ ಕಾಲೇಜು ಗುರುತಿನ ಚೀಟಿ
- ಆದಾಯ ಪ್ರಮಾಣ ಪತ್ರ ಅಥವಾ ಫಾರ್ಮ್-16
- SC/ST ಆದರೆ ಜಾತಿ ಪ್ರಮಾಣ ಪತ್ರ
- ಶುಲ್ಕ ರಸೀದಿ
- ಬ್ಯಾಂಕ್ ಪಾಸ್ಬುಕ್ (SBI ಖಾತೆ ಇದ್ದರೆ ವರ್ಗಾವಣೆ ಸುಲಭ)
- ಪಾಸ್ಪೋರ್ಟ್ ಗಾತ್ರದ ಫೋಟೋ
ಎಲ್ಲಾ ಸ್ಕ್ಯಾನ್ ಸ್ಪಷ್ಟವಾಗಿರಬೇಕು. ಹೆಸರು ಅಸಮತೆಯಿದ್ದರೆ ಅರ್ಜಿ ನಿಲ್ಲಬಹುದು.
ಅರ್ಜಿ ಹೇಗೆ ಸಲ್ಲಿಸುವುದು?
ಅಧಿಕೃತ ಪೋರ್ಟಲ್: (https://www.sbiashascholarship.co.in)
1. ಸೈಟ್ ತೆರೆದು ಖಾತೆ ರಚಿಸಿ ಅಥವಾ ಲಾಗಿನ್ ಆಗಿ.
2. Apply Now ಕ್ಲಿಕ್ ಮಾಡಿ.
3. Undergraduate (Top 300 NIRF) ವರ್ಗ ಆಯ್ಕೆ ಮಾಡಿ.
4. ವೈಯಕ್ತಿಕ, ಶೈಕ್ಷಣಿಕ ಮತ್ತು ಆದಾಯ ವಿವರ ಭರ್ತಿ ಮಾಡಿ.
5. ದಾಖಲೆ ಅಪ್ಲೋಡ್ ಮಾಡಿ, ಪರಿಶೀಲಿಸಿ Submit ಮಾಡಿ.
ಸಲ್ಲಿಕೆಯ ನಂತರ ತಿದ್ದುಪಡಿ ಸಾಧ್ಯವಿಲ್ಲ. ಆದ್ದರಿಂದ ಒಂದು ಬಾರಿ ಎಚ್ಚರಿಕೆಯಿಂದ ನೋಡಿ. OTP ಅಥವಾ ಫೀಸ್ ಕೇಳುವ ನಕಲಿ ಸೈಟ್ಗಳಿಗೆ ಹೋಗಬೇಡಿ.
ಕರ್ನಾಟಕದ ವಿದ್ಯಾರ್ಥಿಗಳು ಗಮನಿಸಿ
ನಿಮ್ಮ ಕಾಲೇಜು NIRF ಒಟ್ಟಾರೆ ಪಟ್ಟಿಯಲ್ಲಿ 300ರೊಳಗಿದೆಯೇ ಅಥವಾ NAAC A ಇದೆಯೇ ಎಂದು ಮೊದಲು ಖಚಿತಪಡಿಸಿಕೊಳ್ಳಿ. ಇಲ್ಲದಿದ್ದರೆ UG 75,000 ವರ್ಗಕ್ಕೆ ಅರ್ಹತೆ ಬರುವುದಿಲ್ಲ. ಆದಾಯ ಪ್ರಮಾಣ ಪತ್ರ ತಾಲ್ಲೂಕು ಕಚೇರಿಯಿಂದ ಇತ್ತೀಚಿನದ್ದಾಗಿರಲಿ.
ಸೆಪ್ಟೆಂಬರ್ 19 ರಾತ್ರಿ 11:59ಕ್ಕೆ ಪೋರ್ಟಲ್ ಮುಚ್ಚಬಹುದು. ಇಂದೇ ಅಥವಾ ನಾಳೆ ಸಲ್ಲಿಸಿ. ಫಲಿತಾಂಶ ಸಾಮಾನ್ಯವಾಗಿ ಡಿಸೆಂಬರ್ನಲ್ಲಿ ಘೋಷಣೆಯಾಗುತ್ತದೆ.
ಶುಲ್ಕ ಭಾರವಾದ ಪದವಿ ಕೋರ್ಸ್ನಲ್ಲಿ 75,000 ರೂ. ಒಂದು ವರ್ಷದ ಪುಸ್ತಕ, ಬಸ್ ಮತ್ತು ಭಾಗಶಃ ಶುಲ್ಕಕ್ಕೆ ಸಾಕಾಗುತ್ತದೆ. ಅರ್ಹತೆ ಇದ್ದರೆ ಬಿಡಬೇಡಿ. ಲಿಂಕ್ ತೆರೆದು ಅರ್ಜಿ ಮುಗಿಸಿ.