EPFO 3.0 ಹೊಸ ಬದಲಾವಣೆ: PF ಹಣ ತೆಗೆಯುವ ಮುನ್ನ ಪ್ರತಿಯೊಬ್ಬ ಉದ್ಯೋಗಿಯೂ ತಿಳಿಯಬೇಕಾದ 5 ಪ್ರಮುಖ ನಿಯಮಗಳು
ನವದೆಹಲಿ: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ತನ್ನ ಸೇವೆಗಳನ್ನು ಮತ್ತಷ್ಟು ಸರಳ, ವೇಗ ಮತ್ತು ಡಿಜಿಟಲ್ ರೂಪಕ್ಕೆ ತರಲು ಹಲವು ಮಹತ್ವದ ಸುಧಾರಣೆಗಳನ್ನು ಜಾರಿಗೊಳಿಸುತ್ತಿದೆ.
EPFO 3.0 ವ್ಯವಸ್ಥೆಯ ಭಾಗವಾಗಿ claim settlement, PF advance, KYC ಮತ್ತು ಹಣ ಹಿಂಪಡೆಯುವ ಪ್ರಕ್ರಿಯೆಗಳಲ್ಲಿ ತಂತ್ರಜ್ಞಾನ ಆಧಾರಿತ ಬದಲಾವಣೆಗಳಿಗೆ ಒತ್ತು ನೀಡಲಾಗಿದೆ.
ಮುಂದಿನ ಹಂತದಲ್ಲಿ UPI ಆಧಾರಿತ PF withdrawal ಸೌಲಭ್ಯವೂ ಸದಸ್ಯರಿಗೆ ಸುಲಭವಾಗಿ ಹಣ ಪಡೆಯಲು ನೆರವಾಗುವ ಪ್ರಮುಖ ವ್ಯವಸ್ಥೆಯಾಗಿ ಪರಿಗಣಿಸಲಾಗಿದೆ.
ಆದರೆ UPI ಮೂಲಕ PF ಹಣ ಪಡೆಯುವ ಸೌಲಭ್ಯ ಎಲ್ಲ ಸದಸ್ಯರಿಗೂ ಈಗಾಗಲೇ ಒಂದೇ ಸಮಯದಲ್ಲಿ ಸಂಪೂರ್ಣವಾಗಿ ಲಭ್ಯವಾಗಿದೆ ಎಂದು ಭಾವಿಸಬಾರದು.
ನಿಮ್ಮ ಖಾತೆಗೆ ಈ ಆಯ್ಕೆ ಲಭ್ಯವಿದೆಯೇ ಎಂಬುದನ್ನು ಅಧಿಕೃತ EPFO ಪೋರ್ಟಲ್ ಅಥವಾ UMANG ಮೂಲಕವೇ ಪರಿಶೀಲಿಸುವುದು ಉತ್ತಮ.
EPFO 3.0 ಎಂದರೇನು?
EPFO 3.0 ಎಂದರೆ ಕೇವಲ ಹೊಸ ಮೊಬೈಲ್ ಆಪ್ ಅಥವಾ UPI ಸೌಲಭ್ಯವಲ್ಲ. ಸದಸ್ಯರ ಸೇವೆಗಳನ್ನು ಹೆಚ್ಚು automation ಆಧಾರಿತವಾಗಿಸಿ, manual verification ಮತ್ತು ಅನಗತ್ಯ ದಾಖಲೆ ಪ್ರಕ್ರಿಯೆಯನ್ನು ಕಡಿಮೆ ಮಾಡುವ ದೊಡ್ಡ ಡಿಜಿಟಲ್ ಪರಿವರ್ತನೆಯಾಗಿದೆ.
EPFO ಈಗಾಗಲೇ profile correction, UAN ಸೇವೆಗಳು, online claim, Aadhaar ಆಧಾರಿತ authentication ಸೇರಿದಂತೆ ಹಲವು ಸೇವೆಗಳನ್ನು ಡಿಜಿಟಲ್ ರೂಪಕ್ಕೆ ತಂದಿದೆ.
Central Board of Trustees ತೆಗೆದುಕೊಂಡ ಮಹತ್ವದ ನಿರ್ಧಾರದ ಪ್ರಕಾರ partial withdrawalಗೆ ಸಂಬಂಧಿಸಿದ್ದ ಹಲವಾರು ಪ್ರತ್ಯೇಕ ನಿಯಮಗಳನ್ನು ಸರಳಗೊಳಿಸಿ Essential Needs, Housing Needs ಮತ್ತು Special Circumstances ಎಂಬ ಪ್ರಮುಖ ವಿಭಾಗಗಳಡಿ ತರಲು ನಿರ್ಧರಿಸಲಾಗಿದೆ.
ಅರ್ಹ partial withdrawalಗಳಿಗೆ ಕನಿಷ್ಠ ಸೇವಾ ಅವಧಿಯನ್ನು ಸಾಮಾನ್ಯವಾಗಿ 12 ತಿಂಗಳಿಗೆ ಇಳಿಸುವ ನಿರ್ಧಾರವೂ ಪ್ರಕಟಿಸಲಾಗಿದೆ.
PF ಹಣ ತೆಗೆಯುವ ಮುನ್ನ ತಿಳಿಯಬೇಕಾದ 5 ಪ್ರಮುಖ ನಿಯಮಗಳು.?
1. ಎಲ್ಲಾ ಸಂದರ್ಭದಲ್ಲೂ 75% ಮಾತ್ರ ಎಂಬ ನಿಯಮ ಇಲ್ಲ
“EPFO 3.0 ಬಂದ ನಂತರ PF ಖಾತೆಯಿಂದ ಗರಿಷ್ಠ 75% ಮಾತ್ರ ಪಡೆಯಬಹುದು” ಎಂಬ ಮಾಹಿತಿ ಸಂಪೂರ್ಣ ಸರಿಯಲ್ಲ.
ಹೊಸ ಸರಳೀಕೃತ ವ್ಯವಸ್ಥೆಯಲ್ಲಿ ಸದಸ್ಯರು ಸಂಬಂಧಿಸಿದ ನಿಯಮಗಳ ಪ್ರಕಾರ eligible balanceನ 100%ವರೆಗೆ partial withdrawal ಮಾಡಲು ಅವಕಾಶ ಪಡೆಯಬಹುದು.
ಆದರೆ ಸದಸ್ಯರ ನಿವೃತ್ತಿ ಉಳಿತಾಯ ಸಂಪೂರ್ಣ ಖಾಲಿಯಾಗದಂತೆ 25% contributions ಅನ್ನು minimum balance ಆಗಿ ಉಳಿಸುವ ವ್ಯವಸ್ಥೆಯನ್ನು EPFO ಘೋಷಿಸಿದೆ.
ಉದ್ಯೋಗ ಕಳೆದುಕೊಂಡ ಸಂದರ್ಭದ ನಿಯಮ ಇದಕ್ಕಿಂತ ವಿಭಿನ್ನವಾಗಿದೆ. ನಿರುದ್ಯೋಗದ ಸಂದರ್ಭದಲ್ಲಿ PF balanceನ 75%ವರೆಗೆ ತಕ್ಷಣ ಪಡೆಯಲು ಅವಕಾಶವಿದ್ದು, ಉಳಿದ 25% ಅನ್ನು ನಿಗದಿತ ಅವಧಿಯ ನಂತರ ಪಡೆಯುವ ಅವಕಾಶವಿದೆ.
2. ₹5 ಲಕ್ಷವರೆಗೆ auto-settlement ಸೌಲಭ್ಯ
PF advance claimಗಳ auto-settlement ಮಿತಿಯನ್ನು ₹1 ಲಕ್ಷದಿಂದ ₹5 ಲಕ್ಷಕ್ಕೆ ಹೆಚ್ಚಿಸಲಾಗಿದೆ.
ವೈದ್ಯಕೀಯ ಅಗತ್ಯ, ಶಿಕ್ಷಣ, ಮದುವೆ ಮತ್ತು ಮನೆಗೆ ಸಂಬಂಧಿಸಿದ ಅರ್ಹ advance claimಗಳು automation ಮೂಲಕ ವೇಗವಾಗಿ ಪ್ರಕ್ರಿಯೆಯಾಗಲು ಇದು ನೆರವಾಗುತ್ತದೆ.
ಅರ್ಹ ಪ್ರಕರಣಗಳಲ್ಲಿ claim settlement ಸುಮಾರು 72 ಗಂಟೆಗಳೊಳಗೆ ನಡೆಯುವಂತೆ ವ್ಯವಸ್ಥೆಯನ್ನು ಸುಧಾರಿಸಲಾಗಿದೆ.
ಆದರೆ ₹5 ಲಕ್ಷ ಎಂದರೆ ಪ್ರತಿಯೊಬ್ಬ ಸದಸ್ಯನಿಗೂ ₹5 ಲಕ್ಷ ಕಡ್ಡಾಯವಾಗಿ ಸಿಗುತ್ತದೆ ಎಂದರ್ಥವಲ್ಲ. ಖಾತೆಯಲ್ಲಿರುವ eligible balance ಮತ್ತು withdrawal purposeಗೆ ಅನ್ವಯಿಸುವ ನಿಯಮಗಳೇ ಅಂತಿಮ ಮೊತ್ತವನ್ನು ನಿರ್ಧರಿಸುತ್ತವೆ.
3. UPI ಮೂಲಕ PF withdrawal ಬಗ್ಗೆ ಎಚ್ಚರಿಕೆ
UPI ಆಧಾರಿತ PF withdrawal ವ್ಯವಸ್ಥೆಯ ಉದ್ದೇಶ ಸದಸ್ಯರು ತಮ್ಮ verified bank accountಗೆ ಹಣವನ್ನು ಹೆಚ್ಚು ವೇಗವಾಗಿ ವರ್ಗಾಯಿಸಿಕೊಳ್ಳುವಂತೆ ಮಾಡುವುದು.
ಆದರೆ ಯಾವುದೇ WhatsApp link, APK file ಅಥವಾ ಅನಧಿಕೃತ ವೆಬ್ಸೈಟ್ ಬಳಸಿ “UPI PF withdrawal activation” ಮಾಡಬೇಡಿ. ಸೌಲಭ್ಯ ನಿಮ್ಮ ಖಾತೆಗೆ ಲಭ್ಯವಾದ ನಂತರ ಅಧಿಕೃತ EPFO/UMANG ಮಾರ್ಗವನ್ನೇ ಬಳಸಬೇಕು.
UANಗೆ Aadhaar, PAN ಹಾಗೂ ಸರಿಯಾದ ಬ್ಯಾಂಕ್ ಖಾತೆ ವಿವರಗಳು ಲಿಂಕ್ ಆಗಿರುವುದು ಮುಂದಿನ ಡಿಜಿಟಲ್ ಸೇವೆಗಳಿಗೆ ಬಹಳ ಮುಖ್ಯ.
4. 5 ವರ್ಷಕ್ಕೂ ಮುನ್ನ PF ತೆಗೆದುಕೊಂಡರೆ ತೆರಿಗೆ ಬರಬಹುದೇ?
ಇದು ಉದ್ಯೋಗಿಗಳು ಗಮನಿಸಬೇಕಾದ ಅತ್ಯಂತ ಪ್ರಮುಖ ಅಂಶ.
ನೀವು 5 ವರ್ಷಗಳ ನಿರಂತರ ಅರ್ಹ ಸೇವೆಯನ್ನು ಪೂರ್ಣಗೊಳಿಸಿದ್ದರೆ ಸಾಮಾನ್ಯವಾಗಿ EPF final withdrawal ಮೇಲೆ TDS ಇರುವುದಿಲ್ಲ.
ಹಿಂದಿನ ಸಂಸ್ಥೆಯ PF ಅನ್ನು ಹೊಸ ಸಂಸ್ಥೆಗೆ ಸರಿಯಾಗಿ transfer ಮಾಡಿದ್ದರೆ ಹಿಂದಿನ ಸೇವಾ ಅವಧಿಯನ್ನೂ ನಿರಂತರ ಸೇವೆ ಲೆಕ್ಕಾಚಾರದಲ್ಲಿ ಪರಿಗಣಿಸಬಹುದು.
5 ವರ್ಷ ಪೂರ್ಣಗೊಳ್ಳುವ ಮೊದಲು taxable PF withdrawal ಮಾಡಿದರೆ ಮತ್ತು ಮೊತ್ತ ₹50,000 ಮೀರಿದರೆ Section 192A ಅಡಿಯಲ್ಲಿ ಸಾಮಾನ್ಯವಾಗಿ 10% TDS ಕಡಿತವಾಗಬಹುದು. PAN ನೀಡದಿದ್ದರೆ ಅನ್ವಯಿಸುವ TDS ಪ್ರಮಾಣ ಹೆಚ್ಚಾಗಬಹುದು.
ಗಮನಿಸಿ: TDS ಕಡಿತವಾಗುವುದು ಮತ್ತು ಅಂತಿಮ ಆದಾಯ ತೆರಿಗೆ ಬಾಧ್ಯತೆ ಒಂದೇ ವಿಷಯವಲ್ಲ. ಅಂತಿಮ ತೆರಿಗೆ ನಿಮ್ಮ ಒಟ್ಟು ಆದಾಯ ಮತ್ತು ಅನ್ವಯಿಸುವ ತೆರಿಗೆ ನಿಯಮಗಳ ಮೇಲೆ ಅವಲಂಬಿತವಾಗಿರುತ್ತದೆ.
5. ಕೆಲವು ಸಂದರ್ಭಗಳಲ್ಲಿ 5 ವರ್ಷದೊಳಗಿನ withdrawalಗೂ TDS ವಿನಾಯಿತಿ
ಉದ್ಯೋಗಿಯ ನಿಯಂತ್ರಣಕ್ಕೆ ಮೀರಿದ ಕಾರಣಗಳಿಂದ ಉದ್ಯೋಗ ಕೊನೆಗೊಂಡಿದ್ದರೆ ಕೆಲವು ಸಂದರ್ಭಗಳಲ್ಲಿ TDS ವಿನಾಯಿತಿ ಸಿಗಬಹುದು.
ಉದಾಹರಣೆಗೆ ಗಂಭೀರ ಆರೋಗ್ಯ (serious health) ಸಮಸ್ಯೆ, ಸಂಸ್ಥೆ ಮುಚ್ಚುವುದು (Closing the organization) ಅಥವಾ ಉದ್ಯೋಗಿಯ ನಿಯಂತ್ರಣದ ಹೊರಗಿನ ಕೆಲವು ಕಾರಣಗಳಿಂದ ಸೇವೆ (Ended) ಅಂತ್ಯಗೊಂಡಿರುವ ಪ್ರಕರಣಗಳಿಗೆ ವಿಶೇಷ ವಿನಾಯಿತಿಗಳು ಅನ್ವಯಿಸಬಹುದು.
PF balance ಅನ್ನು ಹೊಸ employerನ recognised provident fundಗೆ transfer ಮಾಡಿದರೂ TDS ಇರುವುದಿಲ್ಲ.
PF ಮೊತ್ತವನ್ನು Section 80CCD ಅಡಿಯಲ್ಲಿ ಮಾನ್ಯತೆ ಪಡೆದ pension schemeಗೆ ವರ್ಗಾಯಿಸುವ ನಿರ್ದಿಷ್ಟ ಸಂದರ್ಭದಲ್ಲಿಯೂ ತೆರಿಗೆ ವಿನಾಯಿತಿ ನಿಯಮಗಳಿವೆ.
PF withdrawal ಮಾಡುವ ಮೊದಲು ಇವು ಪರಿಶೀಲಿಸಿ.?
ಹಣಕ್ಕೆ ತುರ್ತು ಅಗತ್ಯವಿದ್ದರೂ PF ಸಂಪೂರ್ಣವಾಗಿ ಖಾಲಿ ಮಾಡುವುದಕ್ಕಿಂತ ಅಗತ್ಯವಿರುವಷ್ಟು ಮಾತ್ರ ಪಡೆಯುವುದು ನಿವೃತ್ತಿ ಭದ್ರತೆಯ ದೃಷ್ಟಿಯಿಂದ ಉತ್ತಮ.
Claim ಸಲ್ಲಿಸುವ ಮೊದಲು UAN active ಆಗಿದೆಯೇ, Aadhaar ವಿವರ ಸರಿಯಾಗಿದೆಯೇ, PAN link ಆಗಿದೆಯೇ, ಬ್ಯಾಂಕ್ account number ಮತ್ತು IFSC ಸರಿಯಾಗಿದೆಯೇ ಹಾಗೂ ಹಿಂದಿನ PF accounts transfer ಆಗಿದೆಯೇ ಎಂಬುದನ್ನು ಪರಿಶೀಲಿಸಿ.
PF claim ಸಲ್ಲಿಸಲು ಅಧಿಕೃತ ಲಿಂಕ್
EPFO Member Portal: https://unifiedportal-mem.epfindia.gov.in/
ಅಧಿಕೃತ EPFO ವೆಬ್ಸೈಟ್: https://www.epfindia.gov.in/
ಮೊಬೈಲ್ನಲ್ಲಿ EPFO ಸೇವೆಗಳನ್ನು ಪಡೆಯಲು ಅಧಿಕೃತ UMANG App ಕೂಡ ಬಳಸಬಹುದು.
ಕೊನೆಯ ಮಾತು
EPFO 3.0 ಮೂಲಕ PF ಸೇವೆಗಳು ಹೆಚ್ಚು ಸರಳ ಮತ್ತು ವೇಗವಾಗುವ ದಿಕ್ಕಿನಲ್ಲಿ ಸಾಗುತ್ತಿವೆ. ₹5 ಲಕ್ಷವರೆಗೆ auto-settlement, ಸರಳಗೊಂಡ partial withdrawal ನಿಯಮಗಳು ಹಾಗೂ UPI ಆಧಾರಿತ withdrawal ವ್ಯವಸ್ಥೆಯಂತಹ ಬದಲಾವಣೆಗಳು ಸದಸ್ಯರಿಗೆ ಅನುಕೂಲವಾಗಲಿವೆ.
ಆದರೆ “UPI ಮೂಲಕ ಹಣ ತೆಗೆದುಕೊಂಡರೆ ಹೊಸ ತೆರಿಗೆ ಬರುತ್ತದೆ” ಎಂಬ ಆತಂಕ ಅಗತ್ಯವಿಲ್ಲ. ಹಣ ಪಡೆಯುವ ತಂತ್ರಜ್ಞಾನ ಬದಲಾಗಿದ್ದರೂ PF withdrawal ಮೇಲಿನ ತೆರಿಗೆ ನಿರ್ಧರಿಸುವ ಪ್ರಮುಖ ಅಂಶಗಳು ಸೇವಾ ಅವಧಿ, withdrawal ಮೊತ್ತ ಮತ್ತು ಅನ್ವಯಿಸುವ ಆದಾಯ ತೆರಿಗೆ ನಿಯಮಗಳೇ ಆಗಿವೆ.
ಆದ್ದರಿಂದ claim ಸಲ್ಲಿಸುವ ಮೊದಲು ನಿಮ್ಮ ಸೇವಾ ಅವಧಿ ಮತ್ತು ತೆರಿಗೆ ಅರ್ಹತೆಯನ್ನು ಖಚಿತಪಡಿಸಿಕೊಳ್ಳುವುದು ಉತ್ತಮ.
ಗೃಹಲಕ್ಷ್ಮಿ 32ನೇ ಕಂತು ಜಮಾ ಆರಂಭ: ₹2,000 ಹಣ ಖಾತೆಗೆ ಬರುತ್ತಿದೆ, 33ನೇ ಕಂತಿನ ಬಗ್ಗೆ ಹೊಸ ಅಪ್ಡೇಟ್