ಕರ್ನಾಟಕ ಮಳೆ ಮುನ್ಸೂಚನೆ: ಆಗಸ್ಟ್ 10ರಿಂದ ಮುಂದಿನ ಹತ್ತು ದಿನಗಳಲ್ಲಿ ಭಾರೀ ಮಳೆ ಇಲ್ಲ, ರೈತರಿಗೆ ಮತ್ತು ಸಾಮಾನ್ಯರಿಗೆ ರಿಲೀಫ್
ಕರ್ನಾಟಕದಲ್ಲಿ ಕಳೆದ ಕೆಲವು ದಿನಗಳಿಂದ ನಿರಂತರ ಮಳೆ ಸುರಿದು ಜನರನ್ನು ಕಂಗಾಲು ಮಾಡಿತ್ತು. ಈಗ ಮಾತ್ರ ಸ್ವಲ್ಪ ನಿರಾಳ.
ಹವಾಮಾನ ಇಲಾಖೆಯ ಇತ್ತೀಚಿನ ವರದಿ ಪ್ರಕಾರ ಆಗಸ್ಟ್ 10ರಿಂದ 16ರವರೆಗೆ ರಾಜ್ಯದ ಯಾವುದೇ ಜಿಲ್ಲೆಯಲ್ಲೂ ಭಾರಿ ಮಳೆಯ ಸಾಧ್ಯತೆ ಕಂಡುಬಂದಿಲ್ಲ.
ಕರಾವಳಿ ಮತ್ತು ಮಲೆನಾಡು ಪ್ರದೇಶಗಳಲ್ಲಿ ಮಳೆಯ ತೀವ್ರತೆ ಸ್ಪಷ್ಟವಾಗಿ ಕುಸಿದಿದೆ. ಇದರಿಂದ ದೈನಂದಿನ ಕೆಲಸ ಮತ್ತು ಕೃಷಿ ಚಟುವಟಿಕೆಗಳು ಸುಗಮವಾಗಿ ನಡೆಯುವ ನಿರೀಕ್ಷೆ ಇದೆ.
ಈ ಹಿಂದೆ ಕರಾವಳಿ ಭಾಗಗಳಲ್ಲಿ ಭಾರಿ ಮಳೆಯಿಂದ ಪ್ರವಾಹದಂತಹ ಪರಿಸ್ಥಿತಿ ಉಂಟಾಗಿತ್ತು. ಆದರೆ ಈಗ ಪರಿಸ್ಥಿತಿ ಸಂಪೂರ್ಣ ಬದಲಾಗಿದೆ.
ಮುಂಗಾರು ಮಾರುತಗಳು ದುರ್ಬಲಗೊಂಡಿರುವುದರಿಂದ ಮಳೆ ಕಡಿಮೆಯಾಗುತ್ತಿದೆ. ಆಗಸ್ಟ್ 17 ಅಥವಾ 18ರ ವೇಳೆಗೆ ಇನ್ನಷ್ಟು ಬಿಸಿಲು ಹೆಚ್ಚಾಗುವ ಸಾಧ್ಯತೆಯಿದೆ.
ಕರಾವಳಿ ಪ್ರದೇಶದಲ್ಲಿ ಮಳೆ ಕ್ಷೀಣಿಸಿದೆ.?
ದಕ್ಷಿಣ ಕನ್ನಡ, ಉಡುಪಿ ಮತ್ತು ಉತ್ತರ ಕನ್ನಡ ಜಿಲ್ಲೆಗಳಲ್ಲಿ ಈಗ ಹೆಚ್ಚಾಗಿ ಬಿಸಿಲು ಮತ್ತು ಮೋಡ ಕವಿದ ವಾತಾವರಣ ಕಾಣಿಸುತ್ತಿದೆ. ಕೆಲವು ಕಡೆ ಸಣ್ಣ ಮಳೆ ಸಾಧ್ಯತೆಯಿದ್ದರೂ, ಹಿಂದಿನಂತೆ ಧಾರಾಕಾರ ಮಳೆಯ ಭಯವಿಲ್ಲ.
ಘಟ್ಟದ ತಪ್ಪಲಿನ ಪ್ರದೇಶಗಳಲ್ಲಿಯೂ ಮಳೆ ಬರುವ ಅವಧಿಗಿಂತ ಒಣ ಹವೆ ಹೆಚ್ಚಾಗಿದೆ. ಮೀನುಗಾರರು ಈ ಬದಲಾವಣೆಯಿಂದ ನಿರಾಳವಾಗಿದ್ದಾರೆ. ಸಮುದ್ರದಲ್ಲಿ ಗಾಳಿ 30 ರಿಂದ 40 ಕಿ.ಮೀ. ವೇಗದಲ್ಲಿ ಬೀಸಬಹುದಾದರೂ ಯಾವುದೇ ದೊಡ್ಡ ಎಚ್ಚರಿಕೆ ಇಲ್ಲ.
ಮಲೆನಾಡಿನಲ್ಲಿ ಮಳೆ ಬಿಟ್ಟುಬಿಟ್ಟು.?
ಕೊಡಗು, ಚಿಕ್ಕಮಗಳೂರು, ಶಿವಮೊಗ್ಗ ಮತ್ತು ಹಾಸನ ಜಿಲ್ಲೆಯ ಸುತ್ತಮುತ್ತ ಬಿಟ್ಟುಬಿಟ್ಟು ಸಾಧಾರಣ ಮಳೆಯಾಗುವ ಸಾಧ್ಯತೆಯಿದೆ. ಆಗಸ್ಟ್ 11ರಿಂದ ಈ ಭಾಗಗಳಲ್ಲಿ ಮಳೆ ಇನ್ನಷ್ಟು ಕಡಿಮೆಯಾಗುವ ಚಿಹ್ನೆಗಳು ಕಂಡುಬಂದಿವೆ.
ಮಲೆನಾಡಿನಲ್ಲಿ ಈಗ ಮಳೆಗಿಂತ ಬಿಸಿಲಿನ ಅವಧಿಯೇ ಹೆಚ್ಚು. ರೈತರು ಗೊಬ್ಬರ ಮತ್ತು ಔಷಧಿ ಸಿಂಪಡಣೆಯಂತಹ ಕೆಲಸಗಳನ್ನು ಆತಂಕವಿಲ್ಲದೆ ಮಾಡಬಹುದು.
ದಕ್ಷಿಣ ಒಳನಾಡು ಮತ್ತು ಬೆಂಗಳೂರು.?
ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ಮೈಸೂರು, ಮಂಡ್ಯ, ರಾಮನಗರ, ತುಮಕೂರು, ಕೋಲಾರ, ಚಿಕ್ಕಬಳ್ಳಾಪುರ, ಚಿತ್ರದುರ್ಗ, ದಾವಣಗೆರೆ ಮತ್ತು ವಿಜಯನಗರ ಜಿಲ್ಲೆಗಳಲ್ಲಿ ಹಗಲು ಬಿಸಿಲು ಇರಲಿದೆ.
ಸಂಜೆ ಅಥವಾ ರಾತ್ರಿ ವೇಳೆ ಗುಡುಗು ಸಹಿತ ಸಾಧಾರಣ ಮಳೆ ಸಾಧ್ಯತೆಯಿದೆ. ಚಾಮರಾಜನಗರ ಮತ್ತು ಹಾಸನ ಜಿಲ್ಲೆಗಳಲ್ಲಿ ಮಳೆ ಪ್ರಮಾಣ ತೀರಾ ಕಡಿಮೆ ಇರಲಿದೆ.
ಬೆಂಗಳೂರಿನಲ್ಲಿ ದಿನದ ಉಷ್ಣಾಂಶ 28 ರಿಂದ 30 ಡಿಗ್ರಿ ಸೆಲ್ಸಿಯಸ್ ನಡುವೆ ಇರಬಹುದು. ಮಧ್ಯಾಹ್ನದ ನಂತರ ಮಳೆಯ ಸಾಧ್ಯತೆ ಸ್ವಲ್ಪ ಹೆಚ್ಚಾಗಬಹುದು. ಆದರೆ ಭಾರಿ ಮಳೆಯ ಯಾವುದೇ ಸೂಚನೆ ಇಲ್ಲ.
ಉತ್ತರ ಕರ್ನಾಟಕದಲ್ಲಿ ಗಾಳಿ ಮುಂದುವರಿಯಲಿದೆ.?
ಉತ್ತರ ಕರ್ನಾಟಕದಲ್ಲಿ ಮಳೆ ಕಡಿಮೆಯಾಗುತ್ತಿದ್ದರೂ ಗಾಳಿಯ ವೇಗ ಹೆಚ್ಚಾಗಿ ಉಳಿದಿದೆ. ಆಗಸ್ಟ್ 10ರಂದು 30 ರಿಂದ 40 ಕಿ.ಮೀ. ವೇಗದ ಗಾಳಿ ಬೀಸುವ ಸಾಧ್ಯತೆಯಿದೆ.
ಬೆಳಗಾವಿ, ಧಾರವಾಡ, ಹಾವೇರಿ ಮತ್ತು ಗದಗ ಜಿಲ್ಲೆಗಳಲ್ಲಿ ಅಲ್ಲಲ್ಲಿ ಸಾಧಾರಣ ಮಳೆ ಸಾಧ್ಯತೆಯಿದೆ. ಬೀದರ್, ಬಾಗಲಕೋಟೆ, ಕಲಬುರಗಿ, ಕೊಪ್ಪಳ, ರಾಯಚೂರು, ವಿಜಯಪುರ ಮತ್ತು ಯಾದಗಿರಿ ಜಿಲ್ಲೆಗಳಲ್ಲಿ ಹಗುರ ಮಳೆ ಮಾತ್ರ ನಿರೀಕ್ಷಿಸಲಾಗಿದೆ. ಆಗಸ್ಟ್ 14ರ ನಂತರ ಉತ್ತರ ಒಳನಾಡಿನಲ್ಲಿ ಮಳೆ ಬಹುತೇಕ ನಿಲ್ಲುವ ಸಾಧ್ಯತೆಯಿದೆ.
ಜಪಾನ್ ಬಳಿ ಉಂಟಾಗಿದ್ದ ಚಂಡಮಾರುತ ದುರ್ಬಲವಾಗಿದ್ದರೂ ಅರಬ್ಬಿ ಸಮುದ್ರ ಮತ್ತು ಬಂಗಾಳಕೊಲ್ಲಿಯಿಂದ ಬೀಸುವ ಗಾಳಿಯ ಚಲನೆ ಮುಂದುವರಿದಿರುವುದರಿಂದ ಮುಂಗಾರು ಮಾರುತಗಳು ಪ್ರಬಲಗೊಳ್ಳುವುದು ಸ್ವಲ್ಪ ತಡವಾಗಿದೆ. ಇದರಿಂದ ರಾಜ್ಯಾದ್ಯಂತ ಮಳೆಯ ತೀವ್ರತೆ ಕಡಿಮೆಯಾಗಿದೆ.
ರೈತರು ಮತ್ತು ಪ್ರಯಾಣಿಕರಿಗೆ ಸಲಹೆ.?
ಮುಂದಿನ ಒಂದು ವಾರದಲ್ಲಿ ಭಾರಿ ಮಳೆಯ ಭೀತಿ ಇಲ್ಲದಿರುವುದರಿಂದ ರೈತರು ಕೃಷಿ ಕೆಲಸಗಳನ್ನು ನಿರ್ಬಂಧವಿಲ್ಲದೆ ನಡೆಸಬಹುದು.
ದಕ್ಷಿಣ ಒಳನಾಡಿನ ರೈತರು ಸಂಜೆ ಮಳೆಯ ಸಾಧ್ಯತೆಯನ್ನು ಗಮನದಲ್ಲಿಟ್ಟುಕೊಂಡು ಬೆಳಗಿನ ವೇಳೆಯಲ್ಲಿ ಕೆಲಸ ಮುಗಿಸುವುದು ಉತ್ತಮ.
ಕರಾವಳಿ, ಮಲೆನಾಡು ಮತ್ತು ಘಟ್ಟದ ರಸ್ತೆಗಳಲ್ಲಿ ಪ್ರಯಾಣಿಸುವವರಿಗೆ ಸದ್ಯಕ್ಕೆ ಮಳೆಯಿಂದ ದೊಡ್ಡ ಅಡಚಣೆ ಇಲ್ಲ. ಅಗತ್ಯ ಪ್ರಯಾಣಗಳನ್ನು ಸುರಕ್ಷಿತವಾಗಿ ಕೈಗೊಳ್ಳಬಹುದು.
ಹವಾಮಾನದಲ್ಲಿ ಯಾವುದೇ ಹಠಾತ್ ಬದಲಾವಣೆ ಉಂಟಾದರೆ ಅಧಿಕೃತ ಮಾಹಿತಿಯನ್ನು ಗಮನಿಸಿ. ಸ್ಥಳೀಯ ಮಳೆ ಮತ್ತು ಹವಾಮಾನ ವಿವರಗಳಿಗೆ 9243345433 ಸಂಖ್ಯೆಗೆ ಕರೆ ಮಾಡಿ ಮಾಹಿತಿ ಪಡೆಯಬಹುದು.
ಒಟ್ಟಾರೆ ಆಗಸ್ಟ್ 16ರವರೆಗೆ ಕರ್ನಾಟಕದಲ್ಲಿ ಪ್ರವಾಹ ಅಥವಾ ಕೆಂಪು-ಕಿತ್ತಳೆ ಎಚ್ಚರಿಕೆಯ ಯಾವುದೇ ಸಾಧ್ಯತೆ ಕಂಡುಬಂದಿಲ್ಲ.
ಮಳೆ ಕಡಿಮೆಯಾಗಿದ್ದರೂ ಕೃಷಿ ಮತ್ತು ದೈನಂದಿನ ಚಟುವಟಿಕೆಗಳನ್ನು ಜಾಗರೂಕತೆಯಿಂದ ಮುಂದುವರಿಸುವುದು ಅಗತ್ಯ.
LPG Delivery: ಬುಕ್ ಮಾಡಿದ 3-4 ಗಂಟೆಯಲ್ಲೇ ಸಿಲಿಂಡರ್ ಮನೆಗೆ? ಹೊಸ ಸೇವೆಯ ಸಂಪೂರ್ಣ ಮಾಹಿತಿ